وفاقی وزیر خزانہ و ریونیو اسحاق ڈار نے آرمی چیف جنرل قمر جاوید باجوہ کے اہل خانہ کی ٹیکس معلومات کے غیر قانونی اور غیر ضروری افشا ہونے کا نوٹس لیتے ہوئے فوری تحقیقات کا حکم دیا ہے۔
اس حوالے سے پریس انفارمیشن ڈیپارٹمنٹ کی جانب سے پریس ریلیز جاری کی گئی ہے جس کے مطابق اسحاق ڈار نے کہا ہے کہ یہ واضح طور پر ٹیکس کی معلومات کی مکمل رازداری کے قانون کی خلاف ورزی ہے۔
وزیرخزانہ نے وزیراعظم کے معاون خصوصی برائے ریونیو جناب طارق محمود پاشا کو ہدایت کی ہے کہ وہ ذاتی طور پر ٹیکس قانون اور ایف بی آر کے ڈیٹا کی خلاف ورزی کی فوری تحقیقات کی قیادت کریں اور اپنی ذمہ داری نبھاتے ہوئے چوبیس گھنٹے میں رپورٹ پیش کریں۔
انہوں نے اسے چند غیر ذمہ دار ان کی جانب سے سنگین کوتاہی قرار دیا ہے اور ان کے خلاف سخت کارروائی کا عندیہ دیا ہے۔
- Advertisement -
