سیاسی و صحافتی حلقوں کی بول ٹی وی کی بندش کی مذمت

پاکستان الیکٹرانک میڈیا ریگولیٹری اتھارٹی (پیمرا) کی جانب سے پاکستان کے مقبول نیوز نیٹ ورک بول نیوز اور بول انٹرٹینمنٹ کی بندش کے بعد ملک بھر میں صحافتی برادری سراپا احتجاج ہے۔

پیمرا کی جانب سے بول ٹی وی کی بندش کا جواز یہ پیش کیا گیا ہے کہ وزارت داخلہ کی جانب سے سیکیورٹی کلیئرنس نہیں دی گئی تھی۔ 

چئیرمین تحریک انصاف عمران خان نے سماجی رابطے کی ویب سائیٹ ٹوئٹر پر اس اقدام کی مذمت کرتے ہوئے کہا کہ بول ٹی وی کو محض ہماری حمایت کرنے پر بند کیا گیا ہے۔

بول نیٹ ورک کی جانب سے ایک ٹویٹ میں پیمرا کے اقدام کو آزادی صحافت پر حملہ قرار دیا گیا۔

معروف صحافی اور تجزیہ کار ارشاد بھٹی نے اپنے ٹویٹ میں لکھا کہ ہم کس صدی میں جی رہے ہیں، یہ فاشزم کی انتہا ہے۔

سینئر صحافی و تجزیہ کار عامر ضیا نے پیمرا کے اقدام کی مذمت کرتے ہوئے ٹویٹ کیا کہ آزاد میڈیا کا گلہ گھونٹنے کے معاملے میں مسلم لیگ (ن) کا ریکارڈ سب سے برا ہے۔

عوامی مسلم لیگ کے سربراہ شیخ رشید نے بھی بول ٹی وی کی بندش پر اظہار برہمی کرتے ہوئے ٹویٹ کیا کہ بول ٹی وی عام آدمی کی آواز تھا۔