الیکشن کمیشن پاکستان نے توشہ خانہ کیس میں چئیرمین پاکستان تحریک انصاف عمران خان کو نااہل قرار دے دیا۔
الیکشن کمیشن نے عمران خان کے خلاف اسپیکر قومی اسمبلی کے ریفرنس کو منظور کرتے ہوئے انہیں قومی اسمبلی کی رکنیت سے نااہل کردیا۔
الیکشن کمیشن کے 4 رکنی کمیشن نے متفقہ فیصلہ سناتے ہوئے کہا کہ عمران خان کرپٹ پریکٹسز میں ملوث رہے، ان کے خلاف قانونی کارروائی کا آغاز کیا جائے گا۔
سابق وزیراعظم کی نااہلی کے لیے دائر کیا جانے والا توشہ خانہ ریفرنس حکمراں اتحاد کے 5 ارکان قومی اسمبلی کی درخواست پر اسپیکر قومی اسمبلی نے الیکشن کمیشن کو بھجوایا تھا، جس پر 19ستمبر کو فیصلہ محفوظ کیا گیا تھا۔
فیصلہ سنانے سے قبل الیکشن کمیشن آفس میں غیر متعلقہ افراد کا داخلہ بند کردیا گیا ہے اور ریڈ زون میں بھی داخلہ محدود کردیا گیا
- Advertisement -
